بعض نصائح الحصول على الوظيفة الاولي على ابورك – الجزء الثاني

بعض نصائح الحصول على الوظيفة الاولي على ابورك Upwork – الجزء الثاني

  حنكمل الجزء الثاني من نصائح ازاي تحصل على وظيفة علي ابورك Upwork، لقراءة الجزء الأول من نصائح الحصول على الوظيفة الأولي على ابورك  اضغط هنا

Upwork تحدد السعر ازاي لشغلك على

– السعر لازم يبقى اقل حاجة ممكنة وسيبك من الناس بتوع مترخصش نفسك والكلام ده، انت عايز تعمل شغل على الموقع ولا لا؟
يبقي نزل سعرك لاقل حاجة ممكنة (مينفعش ببلاش لانه كده مش حيعرف يديلك تقييم)

انا نفعت معايا اول مرة عميل من الخليج كمان وكان طالب شغل ياخد 10 ايام قلته حعمله ب 5 دولار فبعتلي وقال فعلا حتعمله ب 5 دولار؟ مصدقش نفسه واتفحت فى الشغل ده بس رضيت بال5 دولار علشان اقدر اخد اول عقد وبعدين فتح بعديه كتير

زميل ليا برده مكنش لاقي شغل قلتله قدم على وظيفة ترجمة موقع كامل ب20 دولار، الراجل وافق عليه وخد اول عقد وده فتحله شغل كتير بعد كده

الموضوع ده عامل زي متبقى حديث التخرج بتبقى مستعد تنزل تتدرب ببلاش فى اي مكان علشان تكسب خبرة

فحط سعر قليل جدا وممكن تلاقى عميل بخيل عايز ارخص حاجة او انا كعميل (مش بخيل) بس ساعات بكون مش محتاج حاجة رهيبة اوي فباخد اقل سعر يتقدملي

هل لازم اكون من أول المتقدمين للشغل:

– سيبك من فكرة اني لازم ابقى واحد من اول خمسة قدموا وتلاقي ناس بتنصحك انك متقدمش لو لقيت اكتر من 5 مقدمين!!! اي كلام طبعا ميين قالك ان اول خمسة قدموا دول مناسبين اساسا ممكن ميعجبوش صاحب الشغل (على فكرة لو 1 بس قدم الابورك حيكتب انه 5 مقدمين!!) انا كعميل ممكن ابص على 20 واحد مقدم واكتر وعادة ناس كتير منهم مبييعجبونيش فببص اكتر وببعت انفتيشنز تاني علشان ناس اكتر تجيلي ، فقدم وسيبك من قصة كام واحد مقدم قبلك

– بس طبعا متجيش تقدم فى وظيفة بقالها شهر فلازم تتابع الموقع كل يوم اكتر من مرة، اعتبره زي الفيسبوك وكل شوية ادخل اعمل ريفرش وادخل صبح وبالليل وفى كل وقت علشان متندمش بعد كده على وظيفة كويسة راحت ومقدمتش فيها

-اقرا الوظيفة كويس جدا مرة واتنين وتلاتة قبل متقدم لان معظم اللى بيقدموا بيبقوا شافوا العنوان بس وخلاص لدرجة ان عملاء كتير بيكتبوا كلمة معينة فى وسط الوظيفة ويقولوك لازم تكتبها فى اول الكوفر ليتر بتاعك وده من كتر مبيزهقوا من الناس اللى بتقدم وهي مش فاهمة حاجة

نصائح أخري:

– لو عرفت تشوف الرفيوز بتاع العميل حتلاقى ان الناس كاتبنيله في شكرا مستر فلان فكده حتبقى عرفت اسمه وتكتبهوله فى الميل حيحس انك زكي وبتبذل مجهود ولو عرفت توصله على لينكد ان مثلا وراسلته هناك حتزود فرصتك

– سيبك من موضوع متقدمش لهنود ولعرب، قدم لاي حد، دول بيبقوا بخلا في الاغب فبيدوروا على الارخص حتي لو جديد يعني فرصتك كويسة وبعدين الفري لانسرز الكبار مبيرودش يقدمولهم ففرصتك حتبقي احسن

-سيبك من موضوع متقدمش لعميل جديد او مش مفعل البايمنت، مهو لو حب يعملك عقد لازم يفعل البايمنت الاول فمفيش قلق يعني ثانيا انظر النقطة الاعلي حتبقى فرصتك احسن لان ناس كتير مش حتقدمه

– مفيش حاجة اسمها العملاء داخلين بيتسلوا وبينزلوا اعلانات وخلاص، عادي انا ممكن انزل وظيفة الاقي السعر غالي او ملاقيش حد يناسبني او الشغلانة تتاجل فجاءة فسيبك من الكلام ده واعمل اللى عليك وكمل

-متضيعش وقتك فى متابعة الوظيفة بعد مقدمت فيها وتشوف كام واحد قدم وكام واحد اتعملوا انترفيو وامتي العميل دخل، الكلام ده مش حيفيدك فى اي حاجة، فاستغل وقتك ده فى التقديم لوظايف جديد او تحسين البروفايل او حتي تتعلم حاجة لنفسك

-ان شاء الله تلاقى اول واحد يتعامل معاك – ثق انه حيحصل متقلقش- وده العميل اللى لازم ترضيه باي شكل مهما كان العميل مقرف ولا ادالك شغل كتير علشان يديك التقييم الكويس لان لو اول تقييم كمان بقي وحش ده حيصعب عليك الموضوع جدااااااا

-مووضع التوب ريتد مش كنز زي مانت متخيل انا وناس كتير مفرقتش معاهم حاجة بعد مخدوها، ركز بس ان بروفايلك يبقى احسن حاجة ممكنة

-ابوس ايدك متشغلش نفسك دلوقتي حقبض ازاي واسحب ازاي؟ حتضيع وقتك على الفاضي لما تبقى حصدت ابقى فكر حتلم الغلة ازاي

– لو جالك انفتيشنز لازم تقدم فى نفس اللحظة علطول لان ابورك بيتابع انت رديت بعد اد ايه ولو لقاك بتتاخر مش حيظهرك للعملاء فى اقتراحات الفري لانسرز اساسا وحاول مترفضش كتير حتي لو الوظيفة مش مناسبة اقبل الانفتيشن وكلمه وبعدين نبقى وقت العقد لو جه نرفض

-لو قلقان من العميل او حاسس انه حيبقى مقرف وياثر على الjss بتاعك ممكن تخلي العميل يبعتلك العقد بس متقبلوش دلوقتي وابدا اعمل جزء من الشغل بسيط واعرضه على العميل لقيته متجاوب وكويس اقبل العقد وكمل شغل، لكن لقيته حيقرفك قله لا شكرا مش حكمل ومتقبلش العقد، طيب ليه اشتغل ببلاش فى الاول؟

jss للاسف ابورك بيدي كل الامتيازات للعميل فلو قبلت عقد وبعدين لغيته من غير فلوس ال

jss بتاعك حينزل، ولو قبلته والعميل ادالك تقييم وحش برده ال

بتاعك حينزل، ولو اتخانقتوا وطلع معاك حق وابورك نصفك برده حيدي العميل الحق انه يقيمك وده حياثر سلبا عليك

لو افتكرت حاجة تاني حنزلها وارجو من اي حد عنده افادة ينزلها

شكرا

اترك تعليقك